好多時都會聽到呢句野,但係幾時先會真正感受到,我覺得就係出左唻做野之後....
細個哥時,總係覺得時間好慢,就好似番鄉下咁,同我講要坐車坐4個鐘,對一個細路唻講,簡直係人間地獄!
而家就唔同la,上車,close眼,當open番哥時,就已經到左,
4個鐘可以變成一眨眼就過左, 即係由細路變大人ge過程, 時間消耗ge速度係呈指數增長!

時間本質其實都係無變,只係人心變左
細路仔,總係充滿好奇心,同埋希望,對乜野都有興趣,每一分鐘對佢地唻講都係探險
出唻做野後,規律ge生活同工作,再加上唔再覺得世界新奇,對好多野都開始漠不關心,簡直係時間ge加速劑,

時間過得快定慢,其實都只係感覺,過得快唔代表浪費,過得慢都唔代表係有意義
但係要時間過得爽,就真係要落d功夫la
如果仲係規律ge工作同生活,肯定唔可以稱得上呢個"爽"字
所以,最緊要係,要搵到自己個G point, 然後再去發展佢,
呢個世界點解會有變態,其實佢地只係貫徹左,時間過得爽呢個概念,
所以如果你個G POINT係D變態野,咁你一係就成世都唔爽,一係就做變態la

我諗我都係時候要去搵番一d工作,同金錢以外ge興趣la,之後一段時間將會係<尋找g point的故事>